Թուրքիայում հարձակվել են ընդդիմության առաջնորդի վրա
Թուրքական TRT Haber հեռուստաալիքի փոխանցմամբ՝ Թուրքիայում հարձակում է իրականացվել հիմնական ընդդիմադիր ուժ «Ժողովրդա-հանրապետական» կուսակցության (ԺՀԿ) առաջնորդ Քեմալ Քըլըչդարօղլուի նկատմամբ: Միջադեպը գրանցվել է Թուրքիայի խորհրդարանում, ուր նրան հարվածել են բռունցքով, ինչի հետևանքով նրա ակնոցն ընկել է գետին:
Անհայտ անձը հարվածել է Քըլըչդարօղլուին, երբ նա գնալիս է եղել իր կուսակցության խորհրդարանական խմբակցության նիստի դահլիճ: ԺՀԿ-ական պատգամավորներին հաջողվել է բռնել հարձակում իրականացրածին և ծեծի ենթարկել նրան:
Անվտանգության ծառայության աշխատակիցները չարագործին հեռացրել են դեպքի վայրից: Չնայած տեղի ունեցածին՝ Քըլըչդարօղլուն ելույթ է ունեցել խմբակցության նիստում՝ բոլորին հանդարտության կոչ անելով: Նա ընդգծել է, որ հարձակումներն ու ճնշումները չեն կարող կանգնեցնել իրենց՝ հավելելով, որ սա հարձակման առաջին դեպքը չէ:
