ԱՄՆ-ը Չինաստանին զգուշացրել է յուանը միտումնավոր թուլացնելու կապակցությամբ
Ռուսական ИТАР-ТАСС լրատվական գործակալության փոխանցմամբ՝ ԱՄՆ ֆինանսների նախարարությունը Չինաստանին զգուշացրել է յուանը միտումնավոր թուլացնելու կապակցությամբ: Այս մասին լրագրողների հետ զրույցում երեկ հայտարարել է ԱՄՆ ֆինանսների նախարարության ներկայացուցիչը.
«Եթե արժույթի թուլացումը վերջին շրջանում վկայում է շուկայական փոխարժեքում ուղղումներ կատարելու ուղղությամբ Չինաստանի քաղաքականության փոփոխման մասին, ապա դա կհանգեցնի լուրջ մտահոգության»:
Նշվում է, որ վերջին շրջանում Չինաստանում որոշակիորեն դանդաղել է տնտեսական աճի տեմպը և Չինաստանի իշխանությունները ոչ վաղ անցյալում ընդլայնել են արժույթի փոխարժեքի «միջանցքը»: Չինաստանը քայլեր է ձեռնարկում կարճաժամկետ հեռանկարում իր տնտեսական ուժը պահպանելու ուղղությամբ:
