Իրանը նավթի արդյունահանումը կմեծացնի 1.5 անգամ
Իրանական IRNA լրատվական գործակալության փոխանցմամբ՝ Իրանը մտադիր է մոտ ժամանակներս նավթի արդյունահանումը օրական 2.8 միլիոն բարելից մեծացնել մինչև 4.2 միլիոն բարելի: Այս մասին հայտարարել է Իրանի նավթարդյունաբերության նախարար Նամդար Զանգենեն:
Նա ընդգծել է, որ Իրանը չի սպասելու ԱՄՆ-ի թույլտվությանը և որ ԱՄՆ-ի ու նրա արևմտյան գործընկերների պատժամիջոցները խոչընդոտ չեն հանդիսանա արտահանման ընդլայնման համար: Նախարարը զգուշավոր լավատեսություն է հայտնել նավթային պատժամիջոցների չեղյալ հայտարարման հեռանկարների կապակցությամբ:
