Կիևի իշխանությունները չեն բացառում մայիսի 9-ին ՌԴ-ի կողմից ապակայունացման փորձեր ձեռնարկելը
Ուկրաինական UNIAN լրատվական գործակալության փոխանցմամբ՝ Կիևի քաղաքային պետական վարչակազմի նախագահ Վլադիմիր Բոնդարենկոն չի բացառում, որ Ռուսաստանը մայիսի 9-ին (Հաղթանակի օրը) ապակայունացման փորձեր կձեռնարկի Ուկրաինայի մայրաքաղաքում:
Այս մասին նա հայտարարել է այսօրվա ճեպազրույցում. «Այդ օրերը շատ հարմար են սադրիչների համար: Ռուսաստանի ղեկավարությունը սպասում է, որ նրան Ուկրաինա կհրավիրեն երիտասարդների կողմից վիրավորված վետերանները, ռուսալեզու բնակչությունը:
Դրա համար էլ մենք մայիսի 9-ին պետք է խաղաղություն պահպանենք Կիևում, շնորհավորենք և պատվենք վետերաններին, բոլորին, ովքեր պատերազմել են»:
