Դոնեցկում մտադիր են հանրաքվե անցկացնել մինչև մայիսի 11-ը
Ուկրաինական UNIAN լրատվական գործակալության փոխանցմամբ՝ Դոնեցկում մարզային վարչակազմի շենքը գրաված ռուսամետ ցուցարարները հայտարար են, որ մտադիր են մինչև մայիսի 11-ը հանրաքվե անցկացնել նորաստեղծ «Դոնցկի հանրապետությունում»:
Նրանք տվյալ շենքում անցկացրել են իրենց հավաքը և հայտարարել են «Դոնեցկի Ժողովրդական Հանրապետության» ինքնիշխան պետության ստեղծման մասին: Ընդունված հռչակագրում նշված է, որ պետական կարևոր հարցերը դրվելու են համաժողովրդական հանրաքվեի:
Նրանք հայտարարել են, որ եթե Կիևի իշխանությունները հակազդեն իրենց, ապա իրենք ստիպված կլինեն օգնության խնդրանքով դիմել Ռուսաստանին՝ խաղաղապահ կոնտինգենտ մտցնելու համար՝ ընթերցելով Ռուսաստանի նախագահ Վլադիմիր Պուտինին հասցեագրված նամակը:
