Ռուսական զորքերը գտնվում են Ուկրաինայի սահմանից 30 կիլոմետր հեռավորության վրա. Յացենյուկ
Ուկրաինական UNIAN լրատվական գործակալության փոխանցմամբ՝ Ռուսաստանը հետ չի քաշել իր զորքերը, նրանք գտնվում են Ուկրաինայի հետ սահմանից 30 կիլոմետր հեռավորության վրա: Այս մասին կառավարության այսօրվա նիստում հայտարարել է Ուկրաինայի վարչապետ Արսենի Յացենյուկը:
Վերջինիս խոսքերով՝ Ռուսաստանը փորձում է տպավորություն ստեղծել, թե հետ է քաշել զորքերը, ինչին միտված է համապատասխան տեղեկությունների տարածումը: Յացենյուկն ընդգծել է, որ ռուսական զորքերը գտնվում են Ուկրաինայի հետ սահմանից 30 կիլոմետր հեռավորության վրա ընկած գոտում. «Փաստացիորեն զորքերի որևէ հետ քաշում չի եղել»:
