Հնդկաստանի խորհրդարանական ընտրություններին կարող է մասնակցել մոտ 814 միլիոն մարդ
Ուկրաինական UNIAN լրատվական գործակալության փոխանցմամբ՝ Հնդկաստանում մեկնարկել են խորհրդարանական ընտրությունները, որոնք խոստանում են դառնալ ամենամասշտաբային խորհրդարանական ընտրությունները համաշխարհային պատմության մեջ, քանի որ դրանց կարող է մասնակցել մոտ 814 միլիոն մարդ:
Առաջին անգամ ընտրողները կարող են քվեարկել «բոլորի դեմ»: Հնդկաստանի տարբեր շրջաններում ընտրություններն անցկացվելու են 9 փուլով՝ ապրիլի 7-ից մինչև մայիսի 12-ը: Այսօր քվեարկում են Հնդկաստանի հյուսիս-արևելյան Ասսամ և Տրիպուրա նահանգների բնակիչները: Հաղթող կուսակցությունը կձևավորի երկրի հաջորդ կառավարությունը:
Խորհրդարանի ներկայիս կազմի լիազորությունները սպառվում են հունիսի 1-ին: Խորհրդարանի նոր կազմը պետք է ձևավորվի մինչև մայիսի 31-ը: Հիմնական պայքարը ծավալվելու է իշխող Հնդկական ազգային կոնգրեսի և նախընտրական հարցումների համաձայն՝ առաջատար, երկրի խոշորագույն ընդդիմադիր կուսակցությունը «Բահրաթիա Ջանաթի» միջև:
