TANAP գազատարը կարող է շահագործման հանձնվել 2018 թվականին. Իլհամ Ալիև
Ադրբեջանական Turan լրատվական գործակալության փոխանցմամբ` «Անդրանատոլիական» գազատարի (TANAP) նախագիծը կարող է շահագործման հանձնվել 2018 թվականին: Այս մասին երեկ Թուրքիայի վարչապետ Ռեջեփ Էրդողանի հետ համատեղ մամուլի ասուլիսի ժամանակ հայտարարել է Ադրբեջանի նախագահ Իլհամ Ալիևը:
Էրդողանն իր հերթին երկկողմ հարաբերությունների տեսանկյունից կարևորել է «Բաքու-Թբիլիսի-Ջեյհան» նավթամուղի, «Բաքու-Թբիլիսի-Էրզրում» գազատարի և «Բաքու-Թբիլիսի-Կարս» երկաթգծի նախագծերի իրագործումը: Ալիևն ընդգծել է, որ TANAP-ը հանդիսանում է Ադրբեջանի ու Թուրքիային համատեղ նախագիծ` հավելելով, որ դրա իրագործման ուղղությամբ աշխատանքներն ընթանում են գրաֆիկին համապատասխան:
