Boeing-ին ու GE-ին թույլատրվել է Իրանին հատկացնել հին ինքնաթիռների պահեստամասեր
Բրիտանական Reuters լրատվական գործակալության փոխանցմամբ` ԱՄՆ-ի իշխանություններն ամերիկյան Boeing ավիաշինական կոնցեռնին և General Electric շարժիչներ արտադրողին թույլատրել են Իրանին հատկացնել ինքնաթիռների պահեստամասեր:
Վաշինգտոնը տվյալ քայլին գնացել է Թեհրանի դեմ սահմանած պատժամիջոցների ժամանակավոր մեղմացման շրջանակներում: ԱՄՆ ֆինանսների նախարարությունը հաստատել է 18 շարժիչների սպասարկման վերաբերյալ ընկերության ներկայացրած հայտը, որոնք Իրանին վաճառվել են դեռևս 1970-ական թվականների վերջերին:
GE-ի ու Իրանի քաղաքացիական ավիաոլորտի ներկայացուցիչների հանդիպումը պլանավորված է հաջորդ շաբաթ, Ստամբուլում: Դրա ժամանակ քննարկվելու են հնարավոր գործարքի մանրամասները:
