Ուկրաինայից Ղրիմի անջատվելու համար մեղավոր են Կիևի ներկայիս իշխանությունները. Յանուկովիչ
Ամերիկյան Associated Press լրատվական գործակալությանը տված հարցազրույցի ժամանակ Ուկրաինայի նախկին նախագահ Վիկտոր Յանուկովիչը հաստատել է, որ Ռուսաստանի նախագահ Վլադիմիր Պուտինին խնդրել է ռուսական զորքերն օգտագործել Ուկրաինայի քաղաքացիների կյանքը պաշտպանելու համար.
«Ես դա չեմ արել պատահաբար, քանի որ ես ինքս դարձա ավազակների հարձակման օբյեկտ»: Յանուկովիչը հավելել է, որ կփորձեր կանխել Ղրիմի անջատումն Ուկրաինայից: Նրա խոսքերով՝ հանրապետությունում անցկացված հանրաքվեն հանդիսացել է բողոքի ձև:
Յանուկովիչը հայտարարել է, որ Ղրիմն Ուկրաինայից անջատվելու համար մեղավոր են Կիևի ներկայիս իշխանությունները:
