Ադրբեջանն ու Թուրքիան քննարկել են ռազմա-տեխնիկական համագործակցության հեռանկարները
Ադրբեջանական APA լրատվական գործակալության փոխանցմամբ՝ Ադրբեջանի նախագահ Իլհամ Ալիևն այսօր ընդունել է Թուրքիայի զինված ուժերի Գլխավոր շտաբի պետ Նեջեդեթ Օզելի գլխավորած պատվիրակությանը:
Հանդիպման ժամանակ ընդգծվել է, որ թուրք-ադրբեջանական հարաբերությունները հաջողությամբ զարգանում են տարբեր ոլորտներում, այդ թվում նաև ռազմա-տեխնիկական ոլորտում:
Կողմերը վստահություն են հայտնել, որ Օզելի ներկայիս այցը կնպաստի այդ կապերի հետագա ընդլայնմանը: Հանդիպման ժամանակ քննարկվել են երկու երկրների միջև ռազմա-տեխնիկական համագործակցության հեռանկարները:
