Համատեղ աշխատելուց հրաժարվելը շահեկան չէ ո՛չ Ռուսաստանի, ո՛չ էլ ՆԱՏՕ-ի երկրների համար. Լուկաշևիչ
Ռուսական РИА Новости լրատվական գործակալության փոխանցմամբ՝ Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչը հայտարարել է, որ Ռուսաստանի հետ համագործակցությունը կասեցնելու մասին ՆԱՏՕ-ի որոշումը ստեղծում է «դեժավյուի» էֆեկտ:
Լուկաշևիչի խոսքերով՝ այդ հայտարարության լեզուն ավելի շուտ հիշեցնում է «Սառը պատերազմի» ժամանակվա բանավոր փնովումները. «Այդ որոշումը մեզ վերադարձնում է վեցամյա վաղեմության իրադարձությունները, երբ Բրյուսելը սառեցրեց Ռուսաստան-ՆԱՏՕ խորհրդի աշխատանքը:
Ինչով ավարտվեց այդ «սառեցումը», քաջ հայտնի է: ՆԱՏՕ-ն իր իսկ նախաձեռնությամբ վերադարձավ Ռուսաստանի հետ փոխգործակցությանը: Համատեղ աշխատելուց հրաժարվելը շահեկան չէ ո՛չ Ռուսաստանի, ո՛չ էլ ՆԱՏՕ-ի երկրների համար»:
