Ուիլյամ Հեյգը կայցելի Վրաստան
Ադրբեջանական Trend լրատվական գործակալության փոխանցմամբ՝ Մեծ Բրիտանիայի արտգործնախարար Ուիլյամ Հեյգն այցելելու է Վրաստան: Այս մասին հայտնի է դարձել Ուիլյամ Հեյգի ու Վրաստանի արտգործնախարար Մայա Փանջիկիձեի հանդիպման արդյունքներով:
Նրանց հանդիպումը տեղի է ունեցել Բրյուսելում՝ ՆԱՏՕ-ի նախարարական նիստի շրջանակներում: Հեյգի վրացական այցի ժամկետի մասին ոչինչ չի հաղորդվել: Փանջիկիձեն այսօր ելույթ է ունենալու ՆԱՏՕ-Վրաստան հանձնաժողովի նիստում՝ շեշտադրում կատարելով ՆԱՏՕ-ին մերձենալու ճանապարհին վերջին մեկուկես տարում Վրաստանի գրանցած առաջընթացի մասին:
