Նախագահական ընտրություններին Էրդողանի մասնակցության հարցը դեռ ճշգրտված չէ. Աթալայ
Թուրքական Haber Türk հեռուստաալիքի փոխանցմամբ՝ Թուրքիայի փոխվարչապետ Բեշիր Աթալայը հայտարարել է, որ դեռ ճշգրտված չէ առաջիկա նախագահական ընտրություններին վարչապետ Ռեջեփ Էրդողանի մասնակցության հարցը: Աթալայի խոսքերով՝ Թուրքիայում նախագահական ընտրություններն անցկացվելու են օգոստոսի 10-ին:
Ավելի վաղ թուրքական մամուլը հայտնել էր, որ Էրդողանն իր թեկնածությունն առաջադրելու է առաջիկա նախագահական ընտրություններում: Նախագահական ընտրությունները Թուրքիայում անցկացվելու է երկու փուլով. եթե առաջին փուլում թեկնածուներից և ոչ մեկին չհաջողվի հավաքել բավականաչափ քվեներ, ապա երկրորդ փուլը կանցկացվի օգոստոսի 24-ին:
Այսուհետ Թուրքիայի նախագահին ընտրելու է ոչ թե խորհրդարանը, այլ ժողովուրդը, և ոչ թե 7 տարով, այլ՝ 5 տարով:
