Ուկրաինայի ճգնաժամի պատճառը քաղաքական գործիչների արկածախնդրությունն է. ՌԴ ԱԳՆ
Ռուսական РИА Новости լրատվական գործակալության փոխանցմամբ՝ Ռուսաստանի ԱԳՆ-ը հայտարարել է, որ Ուկրաինայի տնտեսական ճգնաժամի պատճառը քաղաքական գործիչների արկածախնդրությունն է և միմյանց փոխարինած կառավարությունների անպատասխանատվությունը, որոնց չի հուզել համաքաղաքացիների ճակատագիրը:
ՌԴ ԱԳՆ-ում կարծում են, որ Ուկրաինայի սահմանադրական փոփոխությունները պետք է տեղի հասարակության համար լինեն ամուր և հուսալի: ՌԴ ԱԳՆ-ը հայտարարել է, որ եթե Ուկրաինայում չերաշխավորվի ռեգիոնների իրավահավասարությունն ու իրավական պետության ազգային հիմքը, ապա Ուկրաինան չի կարողանա լուծել իր առջև ծառացած անհետաձգելի քաղաքական առաջադրանքները, այդ թվում նաև կապված առաջիկա նախագահական ու խորհրդարանական ընտրությունների նախապատրաստման հետ:
