Եվրոպական շուկան ուկրաինական ապրանքների առջև ամբողջովին կբացվի մայիսի 15-ից. Յացենյուկ
Ուկրաինական UNIAN լրչատվական գործակալության փոխանցմամբ՝ Ուկրաինայի վարչապետ Արսենի Յացենյուկը հայտարարել է, որ եվրոպական շուկան ուկրաինական ապրանքների ու ծառայությունների առջև ամբողջովին բացվելու է մայիսի 15-ից:
Յացենյուկը հավելել է, որ Ուկրաինան հուսով է ԱՄՀ-ի հետ համագործակցության ծրագիր ստորագրել մինչև ապրիլի վերջ: Խոսքը գնում է 14-18 միլիարդ դոլարի մասին: Ծրագիրն ԱՄՀ-ի Տնօրենների խորհրդի կողմից կարող է դիտարկվել և հավանության արժանանալ մինչև ապրիլի վերջ:
Յացենյուկի խոսքերով՝ հաջորդ շաբաթ իրենք ընդունելու են մի շարք օրինագծեր, որոնք այսպես կոչված նախապայմաններ են, որոնք Ուկրաինան պետք է կատարի, որպեսզի ներդրողները վերսկսեն Ուկրաինայի հետ կապված իրենց ծրագրերը:
