Զաքիր Հասանովն ու Նեջդեթ Օզելը քննարկել են Ղարաբաղյան հակամարտության ներկայիս իրավիճակը
Ադրբեջանական Turan լրատվական գործակալության փոխանցմամբ՝ Ադրբեջանի պաշտպանության նախարար Զաքիր Հասանովը երեկ ընդունել է պաշտոնական այցով Բաքու ժամանած Թուրքիայի զինված ուժերի Գլխավոր շտաբի պետ Նեջդեթ Օզելին, ով Ադրբեջան է ժամանել քառօրյա այցով:
Ադրբեջանի ՊՆ-ի մամլո ծառայության հաղորդմամբ՝ բանակցությունների ժամանակ կողմերը քննարկել են երկու երկրների միջև ռազմական համագործակցության հարցը և ՆԱՏՕ-ի ծրագրերի շրջանակներում երկկողմ համագործակցության հարցը: Ընդգծվել է, որ ամրապնդվել է կողմերի միջև ռազմավարական ռազմական համագործակցությունը:
Հանդիպման ժամանակ կողմերը քննարկել են նաև տարածաշրջանի անվտանգությանն առնչվող հարցեր, այդ թվում նաև Ղարաբաղյան հակամարտության ներկայիս իրավիճակը: Օզելն ընդգծել է Ադրբեջանի դերը՝ որպես ռազմավարական գործընկեր:
