Ղրիմցիներին թույլատրվել է ունենալ երկքաղաքացիություն
Ռուսական РИА Новости լրատվական գործակալության փոխանցմամբ` ռուսական անձնագիր ստացող Ղրիմի քաղաքացիներից չի պահանջվում հրաժարվել Ուկրաինայի քաղաքացիությունից:
Այս մասին Սիմֆերոպոլում լրագրողների հետ զրույցում հայտարարել է Ռուսաստանի Դաշնային միգրացիոն ծառայության` անձնագրային հարցերով վարչության պետ Ֆյոդր Կարպովեցը.
«Քաղաքացիությունից հրաժարվելու կարիք չկա: Եթե մարդը ճանաչել և ընդունել է Ռուսաստանի Դաշնության քաղաքացիությունը, ապա նա հանդիսանում է Ռուսաստանի Դաշնության քաղաքացի` փաստով: Ուկրաինայի քաղաքացու անձնագիրը կմնա ուժի մեջ նաև ռուսական քաղաքացիություն ստանալուց հետո»:
Սրանից առաջ Ուկրաինայի կառավարությունում հայտարարել էին, որ Ուկրաինան շարունակելու է որպես իր քաղաքացիներ ճանաչել Ղրիմի բնակիչներին, որոնք կստանան ռուսական անձնագրեր` չնայած նրան, որ դա հակասում է ներքին օրենսդրությանը:
