Դմիտրի Մեդվեդևը ժամանել է Ղրիմ
Ռուսական РИА Новости լրատվական գործակալության փոխանցմամբ` Ռուսաստանի վարչապետ Դմիտրի Մեդվեդևը ժամանել է Ղրիմ` քննարկելու համար հանրապետության և Սևաստոպոլ քաղաքի զարգացման հարցը: Խորհրդաժողովից առաջ Մեդվեդևը մտադիր է այցելել Սիմֆերոպոլի սոցիալական օբյեկտներ:
Մեդվեդևի ղրիմյան այս այցը տեղի է ունենում Ղրիմն ու Սևաստոպոլը Ռուսաստանի կազմում ներառելուց 10 օր անց: Մեդվեդևը խորհրդաժողով է գումարելու, որին մասնակցելու են փոխվարչապետներ, նախարարներ և այլ, խորհրդաժողովի ժամանակ քննարկվելու է Ղրիմի ու Սևաստոպոլի սոցիալ-տնտեսական զարգացման հարցը: Բացի այդ, Մեդվեդևն այցելելու է Սևաստոպոլ:
