Հյուսիս-Հարավ երկաթուղային գծի հարցը շատ արդիական է. Տատյանա Վալովայա
Հյուսիս-Հարավ երկաթուղային գծի հարցը շատ արդիական է, այն արդեն վաղուց է բարձրացվում: ՀՀԿ տնտեսական համաժողովի ժամանակ հայտարարեց Եվրասիական տնտեսական հանձնաժողովի կոլեգիայի ներկայացուցիչ Տատյանա Վալովայան: «Հարցը շատ է քննարկվել, բոլորն ասում են հետաքրքիր նախագիծ է, բայց տնտեսական հիմնավորումը բավարար չէ, քան որ բեռնափոխադրման ծավալները բավարար չեն»,- ասաց Վալովայան՝ հավելելով, որ այն, ինչ տեղի է ունենում Արևելքում, կարող է հետաքրքիր դարձնել նախագիծը: Ըստ նրա՝ Հայաստանի ՄՄ-ին անդամակցելուց և Իրանի հետ լավ կապեր հաստատելուց հետո այդ գիծը շահավետ կլինի. «Թե ո՞վ է ֆինանսավորելու այն, դա բիզնեսի խնդիրն է: Եթե տնտեսապես շահավետ լինի, ֆինանսավորողներ կլինեն: Հայաստանի ՄՄ-ին անդամակցությունը այդ նախագիծը տնտեսաապես շահավետ կդարձնի»:
