Ռադան հաստատել է Իգոր Տենյուխի հրաժարականը
Ուկրաինական Ռադան այսօր երկրորդ փորձից հաստատել է այդ երկրի պաշտպանության նախարարի պարտականությունները կատարող Իգոր Տենյուխի հրաժարականը:
Ինչպես փոխանցում է Ազատություն ռադիոկայանը, առավոտյան Ռադայի նիստում ելույթ ունենալով Տենյուխը հայտարարել էր, որ հրաժարական է ներկայացնում` առանց մեկնաբանելու իր քայլը:
Ռադայի մեծամասնությունը առաջին անգամ դեմ է քվեարկել Տենյուխի հրաժարականին: Որոշ ժամանակ անց սակայն հարցը կրկին քննարկման է դրվել և արդեն երկրորդ քվեարկությամբ Ռադան հեռացրել է Իգոր Տենյուխին պաշտպանության նախարարի պաշտոնից:
Փոխարենը ուկրաինական խորհրդարանը պաշտպանության նախարարի պարտականությունների ժամանակավոր կատարումը դրել է գնդապետ Միխայիլ Կովալի վրա:
Ըստ Ազատություն ռադիոկայանի
