Վլադիմիր Պուտինը մտադիր է անձնական հաշվեհամար բացել ամերիկյան պատժամիջոցների տակ ընկած ռուսական բանկում
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը մտադիր է հաշվեհամար բացել «Ռուսաստան» բանկում, որը հայտնվել է ամերիկյան պատժամիջոցների ներքո:
Այս մասին նա հայտարարել է Ռուսաստանի Ազգային անվտանգության խորհրդի այսօրվա նիստում՝ լսելով Ռուսաստանի դեմ Վաշինգտոնի սահմանած պատժամիջոցների վերաբերյալ Ռուսաստանի արտգործնախարար Սերգեյ Լավրովի զեկույցը: Պուտինն ընդգծել է, որ երկուշաբթի անպայմանորեն անձնական հաշվեհամար է բացելու «Ռուսաստան» բանկում:
Պուտինը նաև հումորով է վերաբերվել Ռուսաստանի կոնկրետ քաղաքացիների նկատմամբ պատժամիջոցներ հայտարարելուն, որոնց մի մասը (մասնավորապես Պետդումայի նախագահ Սերգեյ Նարիշկինը) մասնակցել է խորհրդաժողովին: Պուտինը ժպտալով հայտարարել է, որ նրանցից պետք է հեռու մնալ, քանի որ նրանք «վարկաբեկում» են իրենց:
