ԵՄ-ն ու Ուկրաինան ստորագրել են Ասոցացման համաձայնագրի քաղաքական մասը
Интерфакс-Украина-ի փոխանցմամբ՝ Ուկրաինան ու ԵՄ-ը ստորագրել են Ասոցացման համաձայնագրի քաղաքական մասը: Դա տեղի է ունեցել այսօր առավոտյան Բրյուսելում:
Ուկրաինական կողմից համաձայնագիրը ստորագրել է վարչապետ Արսենի Յացենյուկը, իսկ եվրոպական կողմից՝ ԵՄ-ի Խորհրդի նախագահ Հերման վան Ռոմպեյն ու Եվրահանձնաժողովի նախագահ Ժոզե Մանուել Բառոզուն, ինչպես նաև ԵՄ-ի անդամ երկրների ղեկավարները: Մամուլի ներկայացուցիչները ներկա չեն գտնվել Ասոցացման համաձայնագրի անմիջական ստորագրմանը:
Ռոմպեյը հայտարարել է, որ դա ԵՄ-ի կողմից Ուկրաինային համերաշխություն հայտնելու կոնկրետ ազդանշան է, ինչն այդ երկրին կօգնի բարեփոխումներ անցկացնելու ճանապարհին՝ մարդկանց հաղորդելով եվերպական բարգավաճող կենսակերպ, ինչին նրանք արժանի են:
