ԵՄ-ը մտադիր է Վրաստանի ու Մոլդովայի հետ Ասոցացման համաձայնագրեր ստորագրել 2014 թվականի հունիսից ոչ ուշ
Ռուսական РИА Новости լրատվական գործակալության փոխանցմամբ՝ ԵՄ-ը մտադիր է Վրաստանի ու Մոլդովայի հետ Ասոցացման համաձայնագրեր՝ ներառյալ նաև ազատ առևտրի գոտու ստեղծումը, ստորագրել 2014 թվականի հունիսից ոչ ուշ: Այս մասին հայտարարվել է Բրյուսելում ԵՄ-ի գագաթաժողովի առաջին օրվա արդյունքներով.
«ԵՄ-ը վերստին հաստատում է Վրաստանի ու Մոլդովայի հետ քաղաքական ասոցացումն ու տնտեսական ինտեգրումն ավելի ամրապնդելու ձգտումը, այն նախաստորագրվել էր նախորդ տարվա նոյեմբերին Վիլնյուսում և պետք է ստորագրվի 2014 թվականի հունիսից ոչ ուշ»:
Ընդգծվում է, որ սրանից առաջ պլանավորված էր մի կողմից ԵՄ-ի, իսկ մյուս կողմից Վրաստանի ու Մոլդովայի միջև Ասոցացման համաձայնագրերը ստորագրել 2014 թվականի օգոստոսին:
