Իրանի ու «Վեցյակի» միջև համաձայնագիրը կարող է ստորագրվել հուլիսի 20-ին
Բրիտանական Reuters լրատվական գործակալության փոխանցմամբ՝ Իրանի միջուկային ծրագրի վերաբերյալ Իրանի ու «Վեցյակի» միջև համաձայնագիրը կարող է ստորագրվել հուլիսի 20-ին:
Այս մասին հայտարարել է Իրանի արտգործնախարար Մոհամմադ Ջավադ Զարիֆը: Մեկնաբանելով Վիեննայում Իրանի ու «Վեցյակի» միջև բանակցությունների երկրորդ օրը՝ Զարիֆն ընդգծել է, որ ցայժմ բանակցությունները լավ են ընթացել:
Բանակցությունների օրակարգում են գտնվում ուրանի հարստացման, Արաքի՝ ծանր ջրով աշխատող ռեակտորի աշխատանքի, Միջուկային զենքի չտարածման մասին պայմանագրի շրջանակներում Իրանի համագործակցության և Իրանի դեմ պատժամիջոցների մեղմացման հարցերը:
