«Կուզենայի, որ Ռոբերտ Քոչարյանը վերադառնար». Գրիգոր Գրիգորյան. «Իրատես de facto»
«Իրատես de facto» պարբերակը զրուցել է ԱԺ ԲՀԿ խմբակցության անդամ Գրիգոր Գրիգորյանի հետ.
– Պարոն Գրիգորյան, Դուք ԲՀԿ-ական եք, Ձեզ դո՞ւր է գալիս Ձեր կուսակցությունը։
– Գիտե՞ք՝ ոնց, ամբողջ կյանքում ես ոչ մի անգամ ոչ մի կուսակցության մեջ չեմ եղել։ «Բարգավաճ» կուսակցությունն աոաջինն է, որին ես անդամակցել եմ աշխատանքից դուրս գալուց, զինվորական ծառայությունն ավարտելուց, թոշակի անցնելուց հետո։
– Ձեր ինչի՞ն էր պետք այդ տարիքում կորցնել կուսակցական, կներեք, անաղարտությունը։
– Ուզում էիք ասել՝ կուսությո՞ւնը։ Եթէ այդ տեսանկյունից նայենք, ես արդեն այն կորցրել էի։
– Մարտի մե՞կը նկատի ունեք։
– ՉԷ, հետո էլ կարծում եմ, ու Դուք Էլ երևի, գտնում եք, որ Մարտի մեկը «բլից« թեմա չէ։
– «Գտնում եմ»։ Իսկ Դուք ճանաչո՞ւմ եք Անի Զաքարյանին։
– Չէ։ Դե, երիտասարդ աղջիկ է, որոշել է կուսակցություն ստեղծել, այդ կուսակցու թյամբ առաջ գնալ, կարծում եմ՝ դա նորմալ է։
– Կարծում եք՝ երիտասա՞րդ է։ Քանի տարեկաններն են Ձեզ համար երիտասարդ, որպես օրինաչափություն։
– Գիտե՞ք, ես հիսուներեք տարեկան եմ և համարում եմ, որ դեռ երիտասարդ եմ, մարղը ծերանում է տարիներով, բայց հոգով չի ծերանում։
– Ուրեմն, պարոն Գրիգորյան, մենք համատեղ «եկանք» երկու խոշոր ռազմավարական կարծիքի՝ մեկը Մարտի մեկի հարցով, մյուսն էլ այն, որ Կարեն Ավագյանը շատ երիտասարդ է, ի տարբերություն ձեր մյուս կուսակիցների, որոնք պնդում են, թե քառասուն տարեկան Կարեն չի լինում, կներեք, երիտասարդ չի լինում։
– Ես Կարեն Ավագյանին որպես պատգամավոր եմ ճանաչում, ինքը երիտասարդ պատգամավոր է. ՀՀԿ երիտթևի ղեկավարն է, համարում եմ իրեն գրագետ, խելացի երիտասարդ։
– Իսկ նրա գրասենյա՞կը, գիտե՞ք, ինքն իդենտիֆիկացված է ոչ միայն մեթան գազի, այլև իր գրասենյակի հետ։
– Ինչի՞ հետ. մեթան գազի՝, ի՞նչ գրասենյակի մասին է խոսքը, հանրապետական կուսակցությա՞ն…
– Դե չէ՜, պարոն Գրիգորյան, ինչպիսի անտարբերություն ու չտեղեկացվածու թյուն ՀՀԿ-ԲՀԿ երիտթևերի խոշոր ձեռնամարտի, «հարբած փղերով» Տղմուտի ափին արյունարբու պատերազմների մասով. պարոն Կարեն Ավագյանն ունի գրասենյակ, ուր լիքը փողեր կան, ու ԲՀԿ-իստները առավոտ կանուխ են վեր կենում, որ այդ փողերը հաշվեն ու հաշվեն։ Էլ չեմ ասում, որ Կարեն Ավագյանի գրասենյակը համարժեք է Ռոբերտ Քոչարյանի գրասենյակին, որտեղից Կարենը պատասխանում է Քոչարյանին։
– Տեղյակ չեմ։ Ծանոթ չեմ։ Չգիտեմ։ Ես զինվորական եմ, ինձ հետ կապված հարցերին կարող եմ պատասխանել։
– Լավ, էլի Ձեր մասին հարց. Դուք ուզո՞ւմ եք, որ Քոչարյանը վերադառնա։
– Ես, որպես անձնավորություն, որպես Հայաստանի քաղաքացի, կուզենայի, որ Ռոբերտ Քոչարյանը վերադառնար։
Կարդացեք «Իրատես de facto»-ի այսօրվա համարում։
