Ռուսաստանը Ղրիմի համար պատրաստում է հարկային հատուկ ռեժիմ

Интерфакс-Украина-ի փոխանցմամբ՝ Ռուսաստանի ֆինանսների նախարարությունը չի բացառում Ղրիմի համար հարկային հատուկ ռեժիմների սահմանումը, եթե Ղրիմը ներառվի Ռուսաստանի կազմում: Այս մասին հայտարարել է Ռուսաստանի ֆինանսների փոխնախարար Սերգեյ Շատալովը:

Նա մանրամասնել է, որ Ռուսաստանին Ղրիմի հավանական միացումը պահանջում է հարկային օրենսդրության զգալի փոփոխություններ. մաքսային ծառայության, հարկային ծառայության ձևավորում, իրավաբանական ու ֆիզիկական անձանց գրանցում և այլն: