ԱՄՆ-ն ու ՌԴ-ը պետք է շարունակեն համատեղ աշխատանքը ԼՂ-ի խնդրի կարգավորման ուղղությամբ. Ուորլիք
Ադրբեջանական Trend լրատվական գործակալության փոխանցմամբ՝ չնայած նրան, որ ԱՄՆ-ն անընդունելի է համարում Ուկրաինայում Ռուսաստանի գործողությունները՝ կան ոլորտներ երկու երկրների համատեղ աշխատանքը շարունակելու համար, որոնցից մեկը Ղարաբաղյան հակամարտության խաղաղ կարգավորումն է:
Այս մասին Twitter-ի իր միկրոբլոգում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը: Նա նշել է, որ պետք է դասեր քաղել Ուկրաինայի դեպքերից՝ Հայաստանի ու Ադրբեջանի միջև հակամարտության շուրջ գործընթացների համար:
