ԱՄՆ-ը մեծ ճշգրտություն ունեցող հրթիռներ է ուղարկել Իրաք
France-Presse լրատվական գործակալության փոխանցմամբ՝ ԱՄՆ-ի իշխանություններն Իրաք են ուղարկել «օդ-երկիր» դասի մոտ 100 Hellfire մեծ ճշգրտությամբ հրթիռներ, ինչպես նաև զենքի ու զինամթերքի խմբաքանակներ, այդ թվում նաև M4 ինքնաձիգներ: Այս մասին հայտարարել է Բաղդադում ԱՄՆ-ի դեսպանատունը:
Վերջինիս տարածած հայտարարության մեջ կարևորվում է այն, որ իրաքյան անվտանգության ուժերը ներկայումս իրենց տրամադրության տակ ունենան ժամանակակից ու արդյունավետ զենք՝ հաշվի առնելով այն լուրջ սպառնալիքը, որն իրենից Իրաքի ու ողջ տարածաշրջանի համար ներկայացնում է «Լևանտում ու Իրաքում իսլամական պետություն» կազմակերպությունը:
Դեսպանատունը հայտնել է, որ ԱՄՆ-ն այս տարվա հունվարի կեսերից Իրաքին հատկացրել է ավելի քան 11 միլիոն կոմպլեկտ զինամթերք, ինչպես նաև հազարավոր ինքնաձիգներ, հրացաններ, նռնակներ և այլ զինատեսակներ: Դեսպանատունն ընդգծել է, որ մոտ ժամանակներս Իրաք կուղակրվի զենքի հավելյալ խմբաքանակ:
