ՄԱԿ ԱԽ-ի նիստում այսօր դիտարկվելու է Ուկրաինայի մասին բանաձևը
Ուկրաինական UNIAN լրատվական գործակալության փոխանցմամբ` ԱՄՆ-ը այսօր գումարում է ՄԱԿ ԱԽ-ի արտահերթ նիստ, որպեսզի քվեարկության դնի Ուկրաինայի վերաբերյալ բանաձև, որով դատապարտվում է կիրակի պլանավորված Ղրիմի հանրաքվեն:
Այս մասին հայտնել են ՄԱԿ-ի դիվանագետները: Նրանք հայտարարել են, որ ակնկալում են, որ Ռուսաստանը կիրառելու է վետո դնելու իրավունքը` մերժելու համար այդ փաստաթուղթը: Արևմտյան դիվանագետներից մեկը հայտնել է, որ բանաձևի նախագծի տեքստն այնպես է գրված, որ դա չհարուցի նաև Չինաստանի վետոն, որը նույնպես անհանգստացած է Ռուսաստանի գործողություններից:
ՄԱԿ ԱԽ-ի նիստը մեկնարկելու է Կիևի ժամանակով ժամը 16.00-ին:
