Ռուսաստանն ԱՄՆ-ին է հանձնել Ուկրաինայի վերաբերյալ իր պլանը
ZN.UA-ի փոխանցմամբ` Լոնդոնում երեկ տեղի է ունեցել ԱՄՆ պետքարտուղար Ջոն Քերիի ու Ռուսաստանի արտգործնախարար Սերգեյ Լավրովի հանդիպումը, որը տևել է 5 ժամ: Հանդիպման ժամանակ Լավրովն ամերիկյան կողմի ստորագրման համար Քերիին է հանձնել «Ուկրաինային աջակցության խմբի մասին» փաստաթուղթը:
Ռուսաստանի առաջարկած այդ փաստաթղթում խոսք է գնում նաև վաղը Ղրիմում նշանակված հանրաքվեի մասին: Ընդգծվում է, որ պետք է հարգել ու ճանաչել ազատ կամարտահայտման միջոցով իր ապագան հստակեցնելու նրա բնակչության իրավունքը:
Փաստաթղթում անհրաժեշտ է համարվում ուկրաինական բոլոր շրջանների ներկայացուցիչների հավասար մասնակցությամբ սահմանադրական ժողովի ստեղծումը` նոր դաշնային սահմանադրության համար: Բացի այդ, առաջարկվում է ռուսերենին Ուկրաինայում հատկացնել երկրորդ պետական լեզվի կարգավիճակ` ուկրաիներենի հետ մեկտեղ:
