Թուրքիան մտադիր չէ ճանաչել Ղրիմի հանրաքվեի արդյունքները. Դավութօղլու
Թուրքական TRT Haber հեռուստաալիքի փոխանցմամբ՝ Թուրքիան մտադիր չէ ճանաչել մարտի 16-ին Ղրիմում նշանակված հանրաքվեի արդյունքները: Այս մասին այսօր Վանում տեղի ունեցած Թուրքիայի, Իրանի ու Ադրբեջանի արտգործնախարարների եռակողմ հանդիպման արդյունքներով հայտարարել է Թուրքիայի արտգործնախարար Ահմեթ Դավութօղլուն:
Դավութօղլուի խոսքերով՝ Թուրքիան ներկայումս քաղաքական խորհրդակցություններ է անցկացնում բոլոր կողմերի հետ՝ Ուկրաինայի քաղաքական ճգնաժամի կարգավորման համար:
Դավութօղլուն ընդգծել է, որ Թուրքիայի համար ամենակարևորն Ուկրաինայի տարածքային ամբողջականության պահպանումն է: Սրանից առաջ էլ Դավութօղլուն կոչ է արել չեղյալ հայտարարել Ղրիմի հանրաքվեն:
