«Դ!եմ եմ»-ը նստացույց կանի՞. «ՀԺ»
«ՀԺ»-ի ունեցած տեղեկությունների համաձայն «Դ!եմ եմ» քաղաքացիական շարժումը մարտի 22-ին կայանալիք հանրահավաքից հետո հնարավոր է հնգօրյա նստացույց սկսի մինչև Սահմանադրական դատարանի որոշումը կենսաթոշակային օրենքի «պարտադիր» բաղադրիչի վերաբերյալ։ ՍԴ-ի որոշումը, հիշեցնենք, սպասվում է մարտի 28-ին։ Մեր զրույցում ՀՅԴ խմբակցության պատգամավոր Արծվիկ Մինասյանը հայտնեց, որ հնարավոր է նման բան կազմակերպվի.
«Իհարկե, հնարավոր է նստացույց լինի, բայց առայժմ քննարկումներ են ընթանում, ոչ մի բան որոշված չէ։ Տարբեր տեսակետներ կան էդ հարցում»,- նշեց Մինասյանը։ Արդեն մի քանի օր «Դ!եմ եմ», նախաձեռնության ֆեյսբուքյան խմբում նույնպես ակտիվ քննարկումներ են ընթանում նստացույց սկսելու վերաբերյալ։ Նախաձեոնության անդամներից Սերգեյ Ղահրամանյանը «ՀԺ»-ի հետ զրույցում հայտնեց, որ նման աոաջարկներ եդել են, բայց հավանականությունը շատ քիչ է որ նստացույց կսկսվի. «Չեմ կարծում, որ նստացույց լինի։ Հիմնական պատճառներից մեկն էլ այն է, որ նախաձեռնության անդամների մեծ մասը աշխատողներ են ու իրենք չեն կարող մի քանի օր աշխատանքի չգնալ։ Ի վերջո, գործատան մեղավոր չէ, ու այս պայքարը իր դեմ չէ, այնպես որ, կարծում եմ, որ նստացույց սկսելու հավանականությանը շատ քիչ է»,–նշեց Ղահրամանյանը։
Մանրամասները «Հայկական Ժամանակի» այսօրվա համարում։
