«Դ!եմ է» 85 տոկոսը. «ՀԺ»
«ՀԺ»-ն գրում է. Երեկ ՀՀ աշխատանքի և սոցապ նախարար Արտեմ Ասատրյանը կենսաթոշակային պարտադիր գանձումների խիստ ցածր մակարդակը բացատրեց նրանով, որ գործատուները սպասողական վիճակում են։ Խնդիրն այն է, որ հունվար ամսին պարտադիր կուտակայինով պետք է գանձված լիներ մոտ 1.7 միլիարդ դրամ, այնինչ հավաքվել է ընդամենը 647 միւիոն դրամ։ «Ունենք գործատուներ, որոնք սպասողական վիճակում են։ Կարծում եմ, դրանով է պայմանավորված»,– ասել է նախարարը։ Խոսքը ՀՀ Սահմանադրական դատարանի որոշման մասին է, որը հրապարակվելու է այս ամսվա 28-ին։ ՍԴ-ում վիճարկվում է «Կուտակային կենսաթոշակների մասին» օրենքի մի քանի դրույթների սահմանադրականությունը և մինչ ՍԴ-ի որոշումը, կենսաթոշակային պարտադիր մասհանում չկատարած գործատուները ազատվում են տույժ-տուգանքներից։ Պարզ հաշվարկը ցույց է տալիս, որ գործատուների ճնշող մեծամասնությանը գոնե հունվար ամսին եղել է «սպասողական վիճակում»։ Ըստ նախարարի, այսօր Հայաստանում վարձու աշխատողների թիվը կազմում է 600 հազար մարդ։ Ըստ պաշտոնական վիճակագրության, Հայաստանում միջին անվանական աշխատավարձը 150 հազար դրամ է։
Մանրամասները՝ «Հայկական Ժամանակի» այսօրվա համարում։
