FBI-ի պահանջով Ավստրիայում ձերբակալել են Ուկրաինայի խոշորագույն գազային մագնատին
Բրիտանական Reuters լրատվական գործակալության փոխանցմամբ՝ ավստրիական ոստիկանությունը Վիեննայում ձերբակալել է Ուկրաինայի խոշորագույն գազային մագնատ, 48-ամյա Դմիտրի Ֆիրտաշին: Գործարարը ձերբակալվել է Հետաքննությունների դաշնային բյուրոյի (FBI) պահանջով:
Ֆիրտաշին կասկածում են կաշառակերության ու կազմակերպված հանցավոր խումբ ստեղծելու մեջ: Ֆիրտաշը, ինչպես նաև Կլյուև եղբայրները, իրենց բիզնեսը ծավալել են Ավստրիայում, ուր կենտրոնացած են նրանց ընկերությունների շտաբ-բնակարանները:
Ընդգծվում է, որ Ֆիրտաշը հետախուզման մեջ է գտնվում 2006 թվականից, և նրան ձերբակալելը որևէ կապ չունի Ուկրաինայի ներկայիս իրադարձությունների հետ:
