Նյու Յորքում պայթյունի հետևանքով զոհերի քանակը հասել է 6-ի
Ամերիկյան Associated Press լրատվական գործակալության փոխանցմամբ՝ Նյու Յորքում կենցաղային գազի պայթյունի հետևանքով զոհվածների քանակը հասել է մինչև 6 մարդու: Այս մասին հայտնել է Նյու Յորքի հրշեջ ծառայությունը:
Սրանից առաջ հաղորդվել էր 5 զոհի ու 74 վիրավորի մասին: Մեկ կին և 15-ամյա մի դեռահաս գտնվում են ծանր վիճակում: Տուժածների մեծ մասը ստացել է կյանքի համար վտանգ չներկայացնող վնասվածքներ:
Նյու Յորքի Հառլեմ շրջանում տեղի ունեցած պայթյունը ոչնչացրել է միմյանց հարակից աղյուսե երկու շենքերը, որոնցում գտնվել են բնակարաններ, եկեղեցի ու խանութ: Պայթյունից առաջ հաղորդվել է գազի արտահոսքի մասին:
