Յացենյուկն այսօր ելույթ կունենա ՄԱԿ ԱԽ-ի նիստում
Ուկրաինական UNIAN լրատվական գործակալության փոխանցմամբ՝ Ուկրաինայի վարչապետ Արսենի Յացենյուկն իր ամերիկյան այցի շրջանակներում մտադիր է մասնակցել այսօր կայանալիք ՄԱԿ ԱԽ-ի նիստին ու ելույթ ունենալ դրանում: Այս մասին հայտնել է Ուկրաինայի կառավարության մամուլի ծառայությունը:
Յացենյուկն իր ամերիկյան այցի շրջանակներում արդեն իսկ անցկացրել է բարձր մակարդակի մի շարք հանդիպումներ՝ այդ թվում նաև ԱՄՆ պետքարտուղար Ջոն Քերիի ու նախագահ Բարաք Օբամայի հետ: Այդ հանդիպումներում Յացենյուկը հայտարարել է, որ Ուկրաինան եղել և կմնա Արևմտյան աշխարհի մասնիկը:
