Ադրբեջանի նախագահն ընդունել է Թուրքիայի ցամաքային զորքերի հրամանատարին
Ադրբեջանական APA լրատվական գործակալության փոխանցմամբ՝ Ադրբեջանի նախագահ Իլհամ Ալիևն ընդունել է Թուրքիայի ցամաքային զորքերի հրամանատար, բանակի գեներալ Հուլուսի Աքարի գլխավորած պատվիրակությանը:
Հանդիպման ժամանակ Ալիևը հայտարարել է, որ Աքարի գլխավորած պատվիրակության այցն Ադրբեջան հերթական անգամ հաստատում է, որ երկու երկրներն ունեն բարձր մակարդակի հարաբերություններ ռազմական ոլորտում: Ալիևի խոսքերով՝ ռազմական ոլորտում համագործակցությունը հանդիսանում է երկու երկրների հարաբերությունների բաղկացուցիչ մասը:
Ալիևն ընդգծել է, որ վերջին տարիներին այդ ուղղությամբ ձեռք է բերվել մեծ առաջընթաց: Հուլուսի Աքարն իր հերթին հիշեցրել է, որ առաջին անգամ Ադրբեջան է այցելել 1994 թվականին և հանդիպել է Իլհամ Ալիևի հոր՝ Հեյդար Ալիևի հետ:
