ՄԱԿ ԱԽ-ի այսօրվա նիստում կքննարկվի Ղրիմի հարցը
Ուկրաինական UNIAN լրատվական գործակալության փոխանցմամբ` այսօր տեղի է ունենալու ՄԱԿ ԱԽ-ի հերթական նիստը, որը գումարվում է Ուկրաինայի նախաձեռնությամբ: Պլանավորված է նիստի ժամանակ քննարկել Ղրիմում ստեղծված վիճակը, լսել Ռուսաստանի ներկայացուցիչների զեկույցը և տեսնել դրա նկատմամբ օտար դիվանագետների արձագանքը:
ՄԱԿ ԱԽ-ի նախորդ բոլոր նիստերը ցույց են տվել, որ ռուսական կողմի ելույթների հռետորիկան չի դիմանում որևէ քննադատության: Անգամ Ռուսաստանի վաղեմի դաշնակից Չինաստանը նրան կոչ է արել հարգել Ուկրաինայի ինքնիշխանությունն ու չմիջամտել նրա ներքին գործերին:
