Ղրիմում հանրաքվե անցկացնելն իրավիճակի սպառնալից զարգացում է. Բան Կի Մուն
Ուկրաինական UNAIN լրատվական գործակալության փոխանցմամբ` ՄԱԿ-ի գլխավոր քարտուղար Բան Կի Մունը հայտարարել է, որ հանրաքվե անցկացնելու մտադրության մասին Ղրիմի իշխանությունների հայտարարությունը հանդիսանում է իրավիճակի սպառնալից ու լուրջ զարգացում:
Մունն ուկրաինական իշխանություններին, այդ թվում նաև Ղրիմի իշխանություններին կոչ է արել հանդարտություն պահպանել այդ հարցում: Մունն ընդգծել է, որ հանրաքվեները սովորաբար անցկացվում են հստակ կանոններով` հենված սահմանադրական նորմերի վրա: Ղրիմում հանրաքվեն անցկացվելու է մարտի 16-ին:
