Ինքնահրկիզման փորձ կատարած քաղաքացու գործով ոստիկանությունը քննություն է կատարում (տեսանյութ)
Այսօր ֆինանսների նախարարության մոտ «Դ!ԵՄ ԵՄ» շարժման կազմակերպած բողոքի ակցիայի ժամանակ ինքնահրկիզման փորձ կատարած քաղաքացի, 1947 թ. ծնված Նիկոլայ Աղաբաբյանի գործովԵրևանի կենտրոնական ոստիկանությունում քննություն է կատարվում: Այս մասին 168.am-ին հայտնեց Ոստիկանության հասարակայնության հետ կապերի և լրատվության վարչության աշխատակից Արմեն Մալխասյանը:
Հարցին՝ ներկայումս Ն.Աղաբաբյանն ազատության մե՞ջ է, Ա.Մալխասյանը պատասխանեց. «Նրան ոչ ոք չի էլ ձերբակալել»:
Հիշեցնենք, որ ակցիայի ժամանակ Ն.Աղաբաբյանն ինքն իր վրա վառելիք էր լցրել և ինքնահրկիզման փորձ էր արել՝ բողոքելով խորհրդային տարիներին Խնայբանկում իր կորցրած գումարների հարցով և պահանջում էր վերադարձնել ավանդների փողերը:
Մանրամասները՝ տեսանյութում
