Ղրիմը հանդիսանում է Ուկրաինայի անքակտելի մասը. Թուրքիայի ԱԳՆ
Ուկրաինական UNIAN լրատվական գործակալության փոխանցմամբ՝ Թուրքիայի փոխարտգործնախարար Ալի Քեմալ Այդինը հայտարարել է, որ Ղրիմը հանդիսանում է Ուկրաինայի անքակտելի մասը: Ուկրաինայի ԱԳՆ-ի հաղորդմամբ՝ Այդինն այդ մասին հայտարարել է Ուկրաինայի փոխարտգործնախարար Անդրեյ Օլեֆիրովի հետ հանդիպման ժամանակ:
Դրա ժամանակ կողմերը մանրակրկիտ քննարկել են Ուկրաինայի ներքաղաքական իրավիճակը, ինչը մասնավորապես վերաբերում է Ղրիմում իրադարձությունների զարգացմանը: Այդինը հերթական անգամ հայտնել է Թուրքիայի ղեկավարության դիրքորոշումը՝ կապված Ուկրաինայի ինքնիշխանությանն ու տարածքային ամբողջականությանը հարգանք ցուցաբերելու հետ:
Թուրքիայի ու Ուկրաինայի փոխարտգործնախարարները պայմանավորվել են նաև նոր ազդակ հաղորդել թուրք-ուկրաինական գործընկերության հետագա զարգացմանը:
