Կարելի է հասնել ԱՄՆ-ից Ֆեթհուլլահ Գյուլենի արտահանձնմանը. Էրդողան
Թուրքական Anadolu լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը հեռուստահաղորդումներից մեկի ժամանակ ընդգծել է ԱՄՆ-ում բնակվող իսլամական, հասարակական գործիչ Ֆեթհուլլահ Գյուլենին ԱՄՆ-ից արտահանձնելու կարևորությունը:
Էրդողանը հայտարարել է, որ կարելի է հասնել ԱՄՆ-ից Ֆեթհուլլահ Գյուլենի արտահանձնմանը, ով միջամտում է Թուրքիայի ներքին գործերին՝ նպաստելով երկրում առկա իրավիճակի ապակայունացմանը:
Սրանից առաջ Թուրքիայի արդարադատության նախարար Բեքիր Բոզդաղը հայտարարել էր, որ Գյուլենի նկատմամբ կարող է հայտարարվել միջազգային հետախուզում, ինչի համար անհրաժեշտ է դատարանի որոշում:
