Ֆեթհուլլահ Գյուլենի նկատմամբ կարող է հայտարարվել միջազգային հետախուզում. Բեքիր Բոզդաղ
Turk Time-ի փոխանցմամբ՝ Թուրքիայի արդարադատության նախարար Բեքիր Բոզդաղը հայտարարել է, որ Ֆեթհուլլահ Գյուլենի նկատմամբ կարող է հայտարարվել միջազգային հետախուզում:
Բոզդաղն ընդգծել է, որ դա չի մտնում իրենց լիազորությունների շրջանակներում, որ դրա համար անհրաժեշտ է դատարանի որոշում: Բոզդաղի խոսքերով՝ իրենք (Փենսիլվանիայում բնակվող) Գյուլենի արտահանձնման պահանջով դեռ չեն դիմել ԱՄՆ-ի իշխանություններին:
Հիշեցնենք, որ Թուրքիայի կառավարությունը ներկայումս պատրաստում է հատուկ միջոցների փաթեթ՝ Գյուլենի կողմնակիցների դեմ պայքարելու համար:
