Ադրբեջանում ազգայնացվել են Գյուլենական շարժմանը պատկանող ուսումնական հաստատությունները
Թուրքական Dünya Bülteni լրատվական կենտրոնի փոխանցմամբ՝ Ադրբեջանում ազգայնացվել (հանրայնացվել) են Գյուլենական շարժմանը պատկանող ուսումնական հաստատությունները:
Խոսքը գնում է 11 դպրոցի, 13 դերսհանեի (մասնավոր ուսումնական հաստատություն, որը դպրոցի շրջանավարտներին օգնում է հաջող հանձնել բուհի ընդունելության քննությունները) և 1 համալսարանի (Բաքվի Կովկասյան համալսարանը) մասին:
Պետության կողմից ազգայնացված այդ հաստատություններն ընդգրկվել են SOCAR-ին կից «Ադրբեջանի միջազգային կրթական կենտրոնի» կազմում: SOCAR-ի փոխնախագահ Հալիք Մեմեդովը հայտարարել է, որ իրենք այդ քայլին գնացել են երկրում կրթության որակը բարձրացնելու նպատակով:
