Համաղրիմյան հանրաքվեն անցկացվելու է մարտի 16-ին
Ռուսական РИА Новости լրատվական գործակալության փոխանցմամբ՝ Ղրիմում հանրաքվեն անցկացվելու է մարտի 16-ին: Այս մասին հայտարարել է Ղրիմի ինքնավար հանրապետության Նախարարների խորհրդի առաջին փոխնախագահ Ռուստամ Թեմիրգալիևը:
Վերջինիս խոսքերով՝ Համաղրիմյան հանրաքվեի անցկացման ժամկետը վերանայվել է: Ավելի վաղ ենթադրվում էր, որ քվեարկությունն անցկացվելու է մարտի 30-ին: Հայտնի է դարձել նաև այն, որ Ղրիմի կարգավիճակի հանրաքվեի ժամանակ թերակղզու բնակիչներին առաջարկելու են պատասխանել այն հարցին, թե արդյոք Ղրիմը պե՞տք է մնա Ուկրաինայի կազմում, թե՞ պետք է մտնի Ռուսաստանի կազմի մեջ:
Բացի այդ, հանրաքվեի մասնակիցները պատասխանելու են 1992 թվականի Սահմանադրությանը վերադարձ կատարելու մասին հարցին:
