Շվեդիան շահագրգռված է ԼՂ-ում խաղաղության հաստատման մեջ. Ուորլիք
Ադրբեջանական Trend լրատվական գործակալության փոխանցմամբ՝ Շվեդիայի խորհրդարանը խաղաղության կոչ է անում Լեռնային Ղարաբաղի տարածաշրջանում: Այս մասին Twitter-ի իր միկրոբլոգում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը.
«Շվեդիայի խորհրդարանի՝ միջազգային հարցերով հանձնաժողովի անդամները շահագրգռված են ԼեռնայինՂարաբաղի տարածաշրջանում խաղաղության հաստատման մեջ»:
Ուորլիքը շնորհակալություն է հայտնել Շվեդիային ու այդ երկրի արտգործնախարար Կարլ Բիլդտին՝ Ղարաբաղյան հակամարտության կարգավորման ուղղությամբ ծավալած ակտիվ գործունեության համար:
Ուորլիքը Շվեդիային կոչ է արել շարունակել այդ ուղղությամբ համատեղ աշխատանքը Հարավային Կովկասում: Մարտի 4-ին Ուորլիքը հայտնել էր, որ ԵԱՀԿ Մինսկի խումբը խորհրդակցություններ է անցկացնելու Շվեդիայի կառավարության հետ:
