Ուկրաինայի խորհրդարանի դիտարկմանն է ներկայացվել ՆԱՏՕ-ին անդամակցելու մասին օրինագիծ
Lenta.ru-ի փոխանցմամբ՝ Ուկրաինայի Գերագույն ռադայում գրանցել են ՆԱՏՕ-ին Ուկրաինայի անդամակցությանն աջակցություն հայտնող օրինագիծ: Այս մասին նշված է խորհրդարանի կայքում: Օրինագծով նախատեսվում է ուղղումներ անել «Ազգային անվտանգության հիմքերի մասին» օրենքում:
Դա մասնավորապես վերաբերում է դրա 6-րդ հոդվածին, ուր առաջարկվում է Ուկրաինայի ազգային առաջնահերթությունների հարցում հիշատակել «եվրաատալնտյան տիրույթին» ինտեգրվելը: Բացի այդ, առաջարկվում է ուղղումներ անել 8-րդ հոդվածում, որում անվտանգության ոլորտում պետական քաղաքականության հիմնական ուղղությունների թվում առաջարկվում է ԵՄ-ից բացի նշել նաև ՆԱՏՕ-ն:
Փաստաթղթի հեղինակներն են «Բատկիվշչինա» կուսակցության պատգամավորներ Ալեքսանդր Չոռնովալենկոն, Վալենտին Կոռոլյուկը և Բորիս Տարասյուկը:
