Եվրահանձնաժողովի նախագահը հունիսի սկզբին կժամանի Վրաստան
Ադրբեջանական Trend լրատվական գործակալության փոխանցմամբ՝ Եվրահանձնաժողովի նախագահ Ժոզե Մանուել Բառոզուն հունիսի սկզբին ժամանելու է Վրաստան: Այս մասին հայտարարել է Վրաստանում գտնվող ԵՄ-ի ընդլայնման ու հարևանության քաղաքականության հարցերով հանձնակատար Շտեֆան Ֆյուլեն:
Այցի շրջանակներում Բառոզուն անցկացնելու է բարձր մակարդակի մի շարք հանդիպումներ: Ֆյուլեն ընդգծել է, որ Եվրահանձնաժողովի նախագահի այցն ի ցույց է դնում Վրաստանին Եվրոպայի աջակցությունը: Ֆյուլեն և ԵՄ-ի արտաքին հարցերով ծառայության գլխավոր քարտուղարի տեղակալ Հելգա Շմիդտը Վրաստան են ժամանել երեկ:
