ԱՄՆ-ն ու Եվրոպան հավատարիմ են Հարավային Կովկասում խաղաղությանն ու անվտանգությանը. Ուորլիք
Ադրբեջանական Trend լրատվական գործակալության փոխանցմամբ՝ ԱՄՆ-ն ու Եվրոպան հավատարիմ են Հարավային Կովկասում խաղաղությանն ու անվտանգությանը: Այս մասին Twitter-ի իր միկրոբլոգում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Ուորլիքն ընդգծել է, որ ուրախ է Հայաստանում ու Ադրբեջանում Շվեդիայի դեսպանատների բացման կապակցությամբ: Նշվում է, որ մարտի 3-ին Երևանում ու Բաքվում բացվել են Շվեդիայի դեսպանատներ:
Հիշեցնենք, որ սրանից առաջ էլ Ուորլիքը հայտնել էր, որ ԵԱՀԿ Մինսկի խումբը խորհրդակցություններ է անցկացնում Շվեդիայում:
